 |
| Jimmy, protagonista nagusia. |
Quadrophenia, mod mugimendua biziki islatzen duen filma britainiarra da. 1979. urtean argitaraturiko film honek, The Who musika taldearen Quadrophenia izeneko diskoan garatzen den istorioa interpretatzen du.
Filma, Jimmy (Phil Daniels) izeneko mod gazte baten bizitzaren inguruan antolatzen da, Londreseko 60. hamarkadan. Ederki agertzen dira mod bizimoduaren aspektu ezberdinak adierazita pelikulan zehar: adibidez, bizimodu frenetiko, rocker-en aurkako borrokak, soul musika, anfetaminen kontsumoa… Honen adibiderik argiena, Jimmy joaten den festan aurkitzen dugu.
Mod-festa
 |
| Jimmy festan. |
Honakoa da mod gazteriaren bizimodua hobeen islatzen duen eszena; alde batetik musika, bestetik drogak eta azkenik moda ederki aipatzen direlako. Filmaren lehenengo atalean kokatuko gara, non Jimmyren bizimodua aurkezten zaigun. Ikus dezakegunez, festa etxebizitza partikular batean ospatzen da, non scooter-ak kanpoaldean aparkaturik dauden. Jimmy barrura sartzen den heinean, hainbat mod gazte azaltzen dira, janzkera bereziarekin: Fred Perry, parkak, janzki eta soineko dotoreak… Aurrera joan ahala, etxearen dantzaleku gunea azaltzen da, gazteek R&B – Soul musikarekin dantzaten ari direla, eta bertan nabari dezakegu mod gazteen artean nabaria zen mestizajea, adibidez, Freddy izeneko rudeboy beltza agertzen delako. Halaber, blues izeneko anfetaminak kontsumitzen dituzte Jimmyk eta bere lagunek, droga honen ondorioak haien dantzatzeko era bortitzean islatuz. Azkenik, Jimmy etxeko logeletara abiatzen da, bertan ematen ari diren neska-mutilen arteko harreman sexualak ikusiz.
Filmeko mod festaren eszena.
Mod Vs Rocker
 |
| Rocker talde bat. |
Etxera bueltatzen denean, Jimmy bere Lambretta garajean konpontzen ari dela, hurbiltzen ari den motor baten motorra entzuten du. Hasiera batean izutzen da, baina bere lagun rocker-a dela konturatzerako orduan, berbetan hasten dira. Hasieratik, Jimmyk mod bizimodua defendatzen duela esaten du, baina bere lagun rocker-ak, identitateari buruzko zalantzan uzten du Jimmy. Bere lagunak hurrengo esaldia esaten dio: “Zergatik gorrotatzen dugu elkar? Azken finean berdinak gara. Mod edo rocker izateak ez du ezertarako balio.” Filmaren esanahiaren esentzia ederki islatzen duen eszena da, identitate propioari buruzko gaia aztertzen delako.
Aurrera joan ahala, Jimmy eta bere inguruko pertsonen arteko erlazioen gainbeherak gauzatzen dira. Gainera, filmaren eszenarik garrantzitsuena, Brighton hirian gertatzen da, rocker-en aurkako borroka pizten denean. Gertakari hauek, 60. hamarkadan Brighton, Margate eta Bournemouth hirietan emandako gatazkek mod mugimenduaren itxura publikoak (prentsaren eraginez) txarrera jotzea eragin zuten, mugimenduaren gainbehera ekarriz.
Brightoneko borroka
 |
| Brightonen bildutako mod taldeak. |
Seguruenik, filme honen eszenarik ezagunenaz ari gara. Bertan, Inglaterrako hegoaldean kokaturiko Brighton hirian, 1964ko udan emandako gatazkak agertzen dira. Brighton hiria, Inglaterrako gazteriaren asteburuetako elkargunea zela esan beharra dago. Arrazoi honen ondorioz, filmean bai rocker-ak zein mod-ak bertan aurkitzen dira, kriston gatazka sortuz. Eszena honek, filmearen harian inflexio puntua suposatzen du , Jimmyren dekadentzia hasiko baita.
Brightoneko mod eta rockerren arteko borrokaren eszena.
Jorratzen diren gaiak
 |
| Quadrophenia filmaren azala. |
Ondorioak
Quadrophenia pelikulak, 70-80. hamarkadetan zehar emandako mod berpizkundean sekulako ondorio txarrak eduki zituela esan beharra dago. Filmak, gazte bortitz batzuen bizimodua kontatzen duenez, prentsa sentsazionalistak itzelezko hedapen mediatikoa egin zuen, mod mugimenduari negatiboki afektatuz. Jakin behar dugu filmea ez dela mod bizmoduaren inguruko dokumentala, arazo psikologikoak dituen gazte baten istorioa baizik.
Filmaren trailerra.